5 Gusht 2024

Gazetari i njohur, Basir Çollaku ka folur lidhur me përgjimet e “SKY ECC”. Teksa ishte i ftuar në një studio televizive, ai theksoi se në dosjet e sjella nga shtetet evropiane rezulton se dominon krimi zgjedhor dhe lidhjet e politikës shqiptare me kartelet ndërkombëtare të drogës. Ai tha gjithashtu se gjysma e qeverisë del në përgjime, por SPAK po bën seleksionime me dosjen që ka në duar.

Ja prononcimi i plotë i gazetarit Çollaku

Zyrtarët bashkëpunojnë me krimin

“Dosjet që prokuroria ka rikthyer vijnë nga perëndimi, Belgjika. Franc Çopja është grup kriminal që i është rikthyer hetimi, ku më pak se gjysma u arrestua nga gjithë ato urdhër arreste të lëshuara. Fillon historia në nëntor 2023 nga ekstradimi i Çopjas nga Belgjika. Jemi dy vite që ky grup shqiptarësh që kanë kryer veprimtari kriminale, 40 të pandehur shqiptarë dhe kolumbianë ishin në dosjen ‘shqiponja e zezë’. Njerëzit e drejtësisë që kanë folur në Bruksel janë marrë me këtë dosje. Ka investuar në Shqipëri 3 miliardë euro, ndërtim bregdet etj…Janë personazhe krimi që i kanë dhuruar një ministri 400 mijë euro orë. I shkëlqente dora, ia di dhe emrin. 5 zyrtarë të lartë shtetërorë kanë shkuar jashtë vendit për të takuar krerët e bandave kriminale për të pastruar paratë, janë regjistruar e përgjuar. Dosja po fle, dremit në sirtar. Policia të mos merret me gjoba, por me ministrat e zyrtarë janë në përgjimet e SKY, biznesmenë etj, është plot. SKY, selektim të materialeve që SPAK u bën hetimeve nga Belgjika, Holanda e Spanja. Ata kanë dijeni për zyrtarët e përfshirë në krim. Hetimi për pjesën e lidhjes me politikën mungon nga ana e SPAK.

Krimet elektorale

Mbi 30 dosje nga letërporositë për ndihmë juridike, gjysma është krim elektoral me bandat. Janë të zbardhur dhe me emra. Drejtësia është brenda, nga KLGJ, KLP, gjyqtarë e prokurorë, dominon në përgjime edhe njerëz brenda SPAK. I kanë përgjimet aty. Dominojnë zgjedhjet, investimet, vetingu, janë interesi i bandave kriminale ndërkombëtare. Porositë e dhëna nga organizatat kriminale nuk janë kthyer mbrapsht. E kanë zgjeruar territorin në Shqipëri, është për Bashkinë e Tiranës, ka emra aty, të karteleve Sinalo, Camorra, Ndragheta, për ndërtimet. Bashkëpunëtori i Veliajt është arrestuar, SPAK fle. Oficerë të përfshirë në këto përgjime dhe janë në trafikun e kokainës ndërkombëtare. Nivelet e përfshirjes se trafikantëve ndërkombëtare me Shqipërinë e pushtetit, është në shifra të frikshme. Më shumë se gjysma e qeverisë është e përfshirë. E kanë copëzuar dosjen SPAK, si me inceneratorët dhe 5D, kryebashkiaku i ka konsideruar SPAK, kolege. SPAK po i amniston që të shpëtojnë nga ndjekja penale të Veliajt. ndryshe të mbyllë qepenat dhe të shesë domate e qepë.

Denoncimet e Ahmetajt

Denoncimi i Ahmetaj, Eco park, Llogaraja, Becheti…SPAK duhet t’u thoshte shqiptarëve që kemi regjistruar procedim penal. Por se bënë, se ndryshe do të thirrnin, Ramën, Veliajn…janë përgjime të familjarëve. Të shkojë në Qipro t’i gjurmojë paratë e AKSHI-t. Ndoshta kur kanë mësuar emrat e pronarëve janë kthyer mbrapsht, nga frika. Është hera e 2 që gjykata nuk lejon publikimin, kush është aty, Rama, Veliaj, Balla?! Do të përballen me ‘shpërdorim detyre’, duke mos i hetuar këto dosje.